Ylli i Real Madridit, Fede Valverde, ka deklaruar se ai do të vesh fanellën e Realit, derisa të vazhdojë të luajë në nivel të lartë.

Mesfushori uruguaian ka luajtur rol kryesor nën drejtimin e Carlo Ancelotti-t gjatë fillimit të sezonit, pavarësisht thashethemeve për një transferim të mundshëm te Chelsea dhe Liverpooli.

Valverde shënoi golin e barazimit kundër Real Sociedad të dielën mbrëma.

Duke folur me Relevo pas ndeshjes, Valverde tha se do të ishte i hapur për një largim nëse nuk ndjente se ishte në nivelin e standardeve.

“Unë kam aftësinë të jem lojtar i këtij klubi. Ditën që unë të mos ndihem kështu, ose që Madridi të mos ndihet kështu, ne do të kërkojmë një zgjidhje. Sot ndihem mirë.”

Deri më tani ai po i mban legjendat Toni Kroos dhe Luka Modric jashtë skuadrës, edhe pse gjermani filloi të dielën mbrëma.

“Ndihem pak keq për ta. Lojtarë të këtij kalibri që kanë fituar shumë gjëra. Uroj që të luajmë me 15 lojtarë. Por gjëja e rëndësishme është që kushdo që do të luajë të ndiejë mbështetjen e atyre që nuk janë, siç po ndiej unë tani.”

25-vjeçari ka pasur një 2023 të trazuar.

Pas Kupës së Botës, atij dhe partneres Mina Bonino iu tha se fëmija i tyre i palindur mund të kishte rreziqe serioze për shëndetin në janar.

Fëmija lindi më vonë pa probleme.

Megjithatë, ai dyshohet se goditi me grusht lojtarin e Villarreal, Alex Baena pas një ndeshjeje, diçka që Valverde nuk e konfirmoi apo mohoi, por akuzat u hoqën pas mospërputhjeve në historinë e Baena./Arbresh.info/